प्रधानमन्त्रीलाई बाँदरको मासु खुवाउने इच्छा

SELL ANNUITY PAYMENT,DONATE YOUR CAR FOR KIDS, ASBESTOS LAWYERS, STRUCTURED ANNUITY SETTLEMENT, ANNUITY SETTLEMENTS, CAR INSURANCE, DONATE CARS IN MA

१५ पुस, सल्यान । जंगलमा बस्दै आएका राउटे समुदायले प्रधानमन्त्री डा. बाबुराम भट्टराईलाई आफ्नो बस्तीमा बोलाएर बाँदरको मासु खुवाउने इच्छा व्यक्त गरेका छन् । राउटेले प्रधानमन्त्रीलाई आफ्नो बस्तीमा आएर एकरात विताईदिन पनि निम्तो गरे ।
‘हाम्रो बस्तीमा प्रधानमन्त्री आए भने हामी राउटले जे खान्छौं, त्यही खाना खुवाउँछौं’, केही महिना यता सल्यानको कजेरी ८ स्थित जंगलमा बस्दै आएका राउटेका मुखिया मैनबहादुर शाहीले भने, -’उनले मासु खाने रहेछन भने बाँदरको मासु खुवाउँछौ ।’
केहीदिन अघि दाङमा आयोजित एक कार्यक्रममा पुगेका राउटेले प्रधानमन्त्रीलाई आफ्नो बस्तीमा आउन निम्तो दिए पनि अहिलेसम्म केही खबर नआएको मैनबहादुरले सुनाए । उनले भने ‘एक दिन भए पनि सँगै बसेर हाम्रा दुःख प्रधानमन्त्रीलाई देखाउने रहर छ ।’ प्रधानमन्त्री आउने खबर पाए गाउँबाट सामग्री मागेर ल्याई स्वागत गर्ने उनको भनाई उदृत गदै अन्नपूर्ण पोष्ट दैनिकले खबर छापेको छ ।
भियतनामका अध्यात्मगुरु चिङ हाईले पठाइदिएका सहायता सामग्री बुझ्न शनिबार सदरमुकाम खलंगा आइपुगेका राउटेले प्रधानमन्त्रीलाई आफ्नो बस्तीमा बास बसाउने इच्छा व्यक्त गरेका हुन् ।