फिरौती लिएर पनि हत्या पछी गाडेको सब फेला

SELL ANNUITY PAYMENT,DONATE YOUR CAR FOR KIDS, ASBESTOS LAWYERS, STRUCTURED ANNUITY SETTLEMENT, ANNUITY SETTLEMENTS, CAR INSURANCE, DONATE CARS IN MA

महोत्तरीको सुन्दरपुरका एक युवाको अपहरणकारीले सात लाख रुपैयाँ फिरौती लिएर पनि हत्या गरेका छन् । चैत ४ गते धनुषाको महेन्द्र नगरबाट अपहरणमा परेका सुन्दरपुर १ का २० बर्षिय पंकज यादवको शव महोत्तरीको अंकार गाविस ४ मा रहेको बेला खोलाको किनारबाट प्रहरीले उत्खनन् गरेको छ । महोत्तरीका प्रहरी उपरिक्षक पवन खरेलले पीडित परिवारले अपहरणकारीलाई सात लाख रुपैयाँ फिरौती दिँदा समेत अपहरणकारीले पंकजको हत्या गरेका बताउनुभयो । शवको प्रकृति हेर्दा अपहरण भएकै दिन हत्या भएको हुन सक्ने खरेलले बताउनुभयो । घाँटीमा काटेर हत्या गरेपछि खाल्डो खनेर गाडिएको शव सडि सकेको अवस्थामा प्रहरीले बरामद गरेर पोष्ट मार्टमको लागि जिल्ला अस्पताल जलेश्वरमा पठाएको छ । मृतकका बुवा श्याम यादवले शवको सनाखत गरेको प्रहरीले जनाएको छ । प्रहरी उपरीक्षक खरेलले अपहरणकारीको पहिचान भइसकेको भन्दै सोमवार धनुषा प्रहरीले घटना विवरण सार्वजनिक गर्ने जानकारी दिनुभयो ।